ಹೋಟೆಲ್ ನಿಯಮಗಳು ಮತ್ತು ಷರತ್ತುಗಳು

ಕೊಠಡಿ ಬುಕ್ಕಿಂಗ್ ಮಾಡುವುದರಿಂದ ಅಥವಾ ಹೋಟೆಲ್‌ನಲ್ಲಿ ವಾಸಿಸುವುದರಿಂದ, ಅತಿಥಿಯು ಈ ನಿಯಮಗಳು ಮತ್ತು ಷರತ್ತುಗಳನ್ನು ಓದಿ, ಅರ್ಥಮಾಡಿಕೊಂಡು, ಅವುಗಳಿಗೆ ಬದ್ಧರಾಗಿರುವುದಾಗಿ ಒಪ್ಪಿಕೊಳ್ಳುತ್ತಾರೆ.

A. ಕಾಯ್ದಿರಿಸುವಿಕೆ (Reservation) ನೀತಿ

• ಕಾಯ್ದಿರಿಸುವಿಕೆಗಳನ್ನು ಆನ್‌ಲೈನ್‌, ಫೋನ್‌, ಇಮೇಲ್‌ ಅಥವಾ ಅಧಿಕೃತ ಟ್ರಾವೆಲ್‌ ಪಾಲುದಾರರ ಮೂಲಕ ಮಾಡಬಹುದು.
• ಎಲ್ಲಾ ಕಾಯ್ದಿರಿಸುವಿಕೆಗಳು ಕೊಠಡಿ ಲಭ್ಯತೆ ಮತ್ತು ಹೋಟೆಲ್ ದೃಢೀಕರಣಕ್ಕೆ ಒಳಪಟ್ಟಿರುತ್ತವೆ.
• ಹೋಟೆಲ್‌ಗೆ ಯಾವುದೇ ಕಾಯ್ದಿರಿಸುವಿಕೆಯನ್ನು ತಿರಸ್ಕರಿಸುವ ಹಕ್ಕು ಇದೆ.
• ಅತಿಥಿಗಳು ಚೆಕ್‌ಇನ್ ಸಮಯದಲ್ಲಿ ಮಾನ್ಯತೆ ಪಡೆದ ಗುರುತಿನ ಚೀಟಿ (ಆಧಾರ್‌, ಪಾಸ್‌ಪೋರ್ಟ್‌, ಚಾಲನಾ ಪರವಾನಗಿ ಅಥವಾ ಮತದಾರರ ಚೀಟಿ) ನೀಡಬೇಕು.
• ಗುರುತಿನ ಚೀಟಿಯ ಸಾಫ್ಟ್ ಕಾಪಿ ಭಾರತ ಸರ್ಕಾರದ ಡಿಜಿಲಾಕರ್‌ ಆಪ್‌ ಮೂಲಕ ಮಾತ್ರ ಮಾನ್ಯ ಮಾಡಲಾಗುತ್ತದೆ. ಮೊಬೈಲ್ ಫೋನ್ ನಲ್ಲಿ ತೋರಿಸುವ ID ಕಾರ್ಡ್ ಗಳ photoವನ್ನು ಚೆಕ್ ಇನ್ ಗೆ ಮಾನ್ಯ ಮಾಡಲಾಗುವುದಿಲ್ಲ.
• 12 ವರ್ಷಕ್ಕಿಂತ ಹೆಚ್ಚು ವಯಸ್ಸಿನ ಪ್ರತಿಯೊಬ್ಬ ಅತಿಥಿಗೂ ಮಾನ್ಯತೆ ಪಡೆದ ID ಕಡ್ಡಾಯ. ಅದು ನೀಡದಿದ್ದರೆ ಬುಕ್ಕಿಂಗ್‌ ರದ್ದುಪಡಿಸಲಾಗುತ್ತದೆ ಮತ್ತು ಹಣ ಮರಳಿ ನೀಡಲಾಗುವುದಿಲ್ಲ.
• 18 ವರ್ಷ ಮೇಲ್ಪಟ್ಟ ವಯಸ್ಸಿನ ಅವಿವಾಹಿತ ಜೋಡಿಗಳಿಗೆ ಒಂದು ಕೋಣೆಯಲ್ಲಿ ತಂಗುವ ಅವಕಾಶ ಇರುತ್ತದೆ. ಈ ಸಂದರ್ಭದಲ್ಲಿ ಇಬ್ಬರೂ ವ್ಯಕ್ತಿಗಳ Photo ID ಯ ಮೂಲ ಪ್ರತಿಯನ್ನು ಸಲ್ಲಿಸುವುದು ಕಡ್ಡಾಯವಾಗಿರುತ್ತದೆ

B. ಚೆಕ್‌ಇನ್ ಮತ್ತು ಚೆಕ್‌ಔಟ್

• ಹೋಟೆಲ್‌ 24 ಗಂಟೆಗಳ ಚೆಕ್‌ಇನ್ / ಚೆಕ್‌ಔಟ್ ಸೌಲಭ್ಯ ಒದಗಿಸುತ್ತದೆ.
• ಒಂದು ದಿನದ ವಾಸವನ್ನು ಚೆಕ್‌ಇನ್ ಸಮಯದಿಂದ 24 ಗಂಟೆಗಳವರೆಗೆ ಎಣಿಸಲಾಗುತ್ತದೆ.
• ಮುಂಗಡ ಚೆಕ್‌ಇನ್ ಅಥವಾ ತಡ ಚೆಕ್‌ಔಟ್, ಲಭ್ಯತೆ ಮತ್ತು ಹೆಚ್ಚುವರಿ ಶುಲ್ಕಕ್ಕೆ ಒಳಪಟ್ಟಿರುತ್ತದೆ. ದಯವಿಟ್ಟು ಫ್ರಂಟ್‌ ಡೆಸ್ಕ್‌ನಲ್ಲಿ ವಿಚಾರಿಸಿ ಮತ್ತು ದೃಢೀಕರಿಸಿ.
• ನೋಂದಾಯಿತ ಅತಿಥಿಗಳಿಗಷ್ಟೇ ಕೊಠಡಿಯಲ್ಲಿ ವಾಸಿಸಲು ಅನುಮತಿ ಇದೆ.
• ವಿನಂತಿಯ ಮೇರೆಗೆ ಹೆಚ್ಚುವರಿ ಹಾಸಿಗೆಯನ್ನು ಒದಗಿಸಲಾಗುವುದು. ಪ್ರತೀ ಹಾಸಿಗೆಗೆ ಪ್ರತೀ ರಾತ್ರಿಗೆ Rs 700 ಶುಲ್ಕ ವಿರುತ್ತದೆ.

C. ಪಾವತಿ ನೀತಿ

• ನಗದು, ಕ್ರೆಡಿಟ್/ಡೆಬಿಟ್ ಕಾರ್ಡ್‌, UPI ಅಥವಾ ಆನ್‌ಲೈನ್‌ ಟ್ರಾನ್ಸ್‌ಫರ್ ಮೂಲಕ ಪಾವತಿಯನ್ನು ಸ್ವೀಕರಿಸಲಾಗುತ್ತದೆ.
• ಬುಕ್ಕಿಂಗ್ ಸಮಯದಲ್ಲಿ ಸಂಪೂರ್ಣ ಅಥವಾ ಭಾಗಶಃ ಮುಂಗಡ ಪಾವತಿ ಅಗತ್ಯವಿರುತ್ತದೆ. ಹೋಟೆಲ್‌ ಸಿಬ್ಬಂದಿ ಕೇಳುವ ಮೊತ್ತವು ಅಂತಿಮ ಮತ್ತು ಬದಲಾಯಿಸಲಾಗುವುದಿಲ್ಲ.
• ಎಲ್ಲಾ ಪಾವತಿಗಳು ಭಾರತೀಯ ರೂಪಾಯಿಗಳಲ್ಲಿ (INR) ಮಾತ್ರ ಮಾಡಬೇಕು.
• ಬೆಲೆಗಳು ಅನ್ವಯಿಸುವ GST ಮತ್ತು ಸೇವಾ ಶುಲ್ಕಗಳೊಂದಿಗೆ/ವಿಲ್ಲದೆ (ಹೆಚ್ಚುವರಿಯಾಗಿ) ಇರಬಹುದು.
• ಅಗತ್ಯವಾದ ಮುಂಗಡ ಪಾವತಿ ಸಂದಾಯವಾಗದಿದ್ದರೆ ಹೋಟೆಲ್‌ ಕಾಯ್ದಿರಿಸುವಿಕೆಯನ್ನು ರದ್ದುಪಡಿಸಬಹುದು.
• ಚೆಕ್ ಔಟ್ ಮಾಡುವ ಮೊದಲು ಎಲ್ಲಾ Bill ಗಳನ್ನು ಕಡ್ಡಾಯವಾಗಿ ಪಾವತಿ ಮಾಡಲು ಗ್ರಾಹಕರು ಬದ್ಧರಾಗಿರುತ್ತಾರೆ.

D. ರದ್ದುಪಡಿಸುವಿಕೆ ಮತ್ತು ಹಣ ಮರುಪಾವತಿ ನೀತಿ

• ಚೆಕ್‌ಇನ್‌ಗೆ 2 ದಿನಗಳು (48 ಗಂಟೆಗಳು) ಮುಂಚಿತವಾಗಿ ಮಾಡಿದ ರದ್ದುಪಡಿಸುವಿಕೆಗಳಿಗೆ ಸಂಪೂರ್ಣ ಹಣ ಮರಳಿ ನೀಡಲಾಗುತ್ತದೆ.
• 2 ದಿನಗಳೊಳಗೆ ಅಥವಾ “ನೋ ಶೋ” (ಬರದಿರುವುದು) ಆಗಿದ್ದರೆ ಹಣ ಮರಳಿ ನೀಡಲಾಗುವುದಿಲ್ಲ.
• ರೀಫಂಡ್‌ಗಳು 7–10 ವ್ಯವಹಾರ ದಿನಗಳಲ್ಲಿ ಪ್ರಕ್ರಿಯೆಯಾಗುತ್ತವೆ.
• ರೀಫಂಡ್‌ಗಳು ಮೂಲ ಪಾವತಿ ವಿಧಾನದಲ್ಲೇ ನೀಡಲಾಗುತ್ತವೆ.

E. ಅತಿಥಿಗಳ ವರ್ತನೆ

• ಅತಿಥಿಗಳು ಶಿಷ್ಟಾಚಾರದಿಂದ ನಡೆದುಕೊಳ್ಳಬೇಕು ಮತ್ತು ಇತರ ಅತಿಥಿಗಳು ಹಾಗೂ ಸಿಬ್ಬಂದಿಯ ಗೌರವವನ್ನು ಕಾಪಾಡಬೇಕು.
• ಜೋರಾಗಿ ಸಂಗೀತ ಹಾಕುವುದು, ಅಕ್ರಮ ಚಟುವಟಿಕೆಗಳು ಅಥವಾ ಅಸಭ್ಯ ವರ್ತನೆ ನಿಷೇಧಿತವಾಗಿರುತ್ತದೆ.
• ಹೋಟೆಲ್‌ ನಿಯಮ ಉಲ್ಲಂಘನೆ ಅಥವಾ ದುರ್ವರ್ತನೆ ಕಂಡುಬಂದರೆ ಅತಿಥಿಯನ್ನು ಯಾವುದೇ ರೀಫಂಡ್ ಇಲ್ಲದೆ ಹೊರಹಾಕುವ ಹಕ್ಕನ್ನು ಹೋಟೆಲ್ ಹೊಂದಿದೆ.
• ಭೇಟಿಕಾರರಿಗೆ ಪೂರ್ವಾನುಮತಿ ಅಗತ್ಯವಿದ್ದು, ನಿಗದಿತ ಸಮಯದಲ್ಲಿ ಮಾತ್ರ ಭೇಟಿ ನೀಡಬಹುದು.

F. ಹೊಣೆಗಾರಿಕೆ ಮತ್ತು ಹಾನಿ

• ಅತಿಥಿಯು ಹೋಟೆಲ್‌ ಆಸ್ತಿಗೆ ಹಾನಿ ಮಾಡಿದರೆ ಅದರ ವೆಚ್ಚವನ್ನು ಪಾವತಿಸಬೇಕಾಗುತ್ತದೆ.
• ಹೋಟೆಲ್‌ ಮತ್ತು ಸಂಬಂಧಿತ ಆಸ್ತಿ ಪಾಸ್ತಿಗಳಿಗೆ ಯಾವುದೇ ಹಾನಿ ಅಥವಾ ನಷ್ಟ ಕಂಡುಬಂದರೆ, ಚೆಕ್‌ಔಟ್ ಸಮಯದಲ್ಲಿ ಅಥವಾ ನಂತರ ಅತಿಥಿಯಿಂದ ವಸೂಲಿಸಬಹುದು.
• ಗ್ರಾಹಕರ ವೈಯಕ್ತಿಕ ವಸ್ತುಗಳು ಅಥವಾ ಹಣದ ನಷ್ಟಕ್ಕೆ ಹೋಟೆಲ್ ಹೊಣೆಗಾರನಾಗುವುದಿಲ್ಲ.
• ಅತಿಥಿಗಳು ಕೊಠಡಿಯಲ್ಲಿ ಅಥವಾ ರಿಸೆಪ್ಷನ್‌ನಲ್ಲಿ ಲಭ್ಯವಿರುವ ಸೇಫ್‌ಗಳನ್ನು ಬಳಕೆ ಮಾಡಬೇಕು.

G. ಧೂಮಪಾನ, ಮದ್ಯಪಾನ ಮತ್ತು ಡ್ರಗ್ಸ್ ನೀತಿ

• ಎಲ್ಲಾ ಕೊಠಡಿಗಳು ಧೂಮಪಾನ ಮುಕ್ತವಾಗಿದೆ (NON-SMOKING). ಕೊಠಡಿಯಲ್ಲಿ ಧೂಮಪಾನ ಮಾಡಿದರೆ ರೂ.10,000 ದಂಡ ವಿಧಿಸಲಾಗುತ್ತದೆ.
• ಸ್ಥಳೀಯ ಕಾನೂನುಗಳು ಮತ್ತು ಹೋಟೆಲ್‌ ನೀತಿಗಳ ಪ್ರಕಾರ ಮದ್ಯಪಾನಕ್ಕೆ ಅನುಮತಿ ಇದೆ.
• ಮಾದಕ ಪದಾರ್ಥಗಳು ಅಥವಾ ನಿಷೇಧಿತ ವಸ್ತುಗಳ ಬಳಕೆ ಅಥವಾ ಹಸ್ತಾಂತರ ಕಾನೂನುಬದ್ಧವಾಗಿಲ್ಲ; ಪೊಲೀಸರ ತನಿಖೆಯಲ್ಲಿ ಸಂಪೂರ್ಣ ಸಹಕಾರ ನೀಡಲು ಹೋಟೆಲ್ ಬದ್ಧವಾಗಿರುತ್ತದೆ.

H. ಭದ್ರತೆ ಮತ್ತು ಸುರಕ್ಷತೆ

• ಹೋಟೆಲ್‌ನಲ್ಲಿ ಸಾರ್ವಜನಿಕ ಪ್ರದೇಶಗಳಲ್ಲಿ CCTV ನಿಗಾವ್ಯವಸ್ಥೆ ಇದೆ.
• ಅತಿಥಿಗಳು ಅಗ್ನಿ ಮತ್ತು ಸುರಕ್ಷತಾ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು.
• ಯಾವುದೇ ಅನುಮಾನಾಸ್ಪದ ಚಟುವಟಿಕೆ ಕಂಡುಬಂದರೆ ತಕ್ಷಣ ಫ್ರಂಟ್‌ ಡೆಸ್ಕ್‌ಗೆ ತಿಳಿಸಬೇಕು.

I. ಸಾಕುಪ್ರಾಣಿ (Pets)ಗಳ ನೀತಿ

• ಹೋಟೆಲ್‌ ಆವರಣದೊಳಗೆ ಸಾಕುಪ್ರಾಣಿಗಳನ್ನು (Pets) ತರಲು ಅನುಮತಿ ಇಲ್ಲ.

J. ಇಂಟರ್ನೆಟ್ ಮತ್ತು ಸಂವಹನ

• ಅತಿಥಿಗಳ ಸೌಲಭ್ಯಕ್ಕಾಗಿ Wi-Fi ಒದಗಿಸಲಾಗುತ್ತದೆ, ಆದರೆ ವೇಗ ಮತ್ತು ಸಂಪರ್ಕವನ್ನು ಖಚಿತಪಡಿಸಲಾಗುವುದಿಲ್ಲ.
• ಅತಿಥಿಗಳು IT ಕಾಯಿದೆ 2000 ಪ್ರಕಾರ ಅಕ್ರಮ ಅಥವಾ ಅನೈತಿಕ ಚಟುವಟಿಕೆಗಳಿಗೆ ಜಾಲತಾಣವನ್ನು ಬಳಸಬಾರದು.

K. ಗೌಪ್ಯತಾ ನೀತಿ

• ಹೋಟೆಲ್‌ ಕಾರ್ಯಾಚರಣೆ, ಭದ್ರತೆ ಮತ್ತು ಕಾನೂನು ಪಾಲನೆಗಾಗಿ ಅತಿಥಿಗಳ ಮಾಹಿತಿಯನ್ನು ಸಂಗ್ರಹಿಸುತ್ತದೆ.
• ಕಾನೂನಿನ ಪ್ರಕಾರ ಅಗತ್ಯವಿರುವ ಸಂದರ್ಭಗಳನ್ನು ಹೊರತುಪಡಿಸಿ, ಅತಿಥಿಯ ಮಾಹಿತಿಯನ್ನು ತೃತೀಯ ವ್ಯಕ್ತಿಗಳಿಗೆ ಹಂಚಲಾಗುವುದಿಲ್ಲ.
• ಎಲ್ಲಾ ಮಾಹಿತಿಯನ್ನು 2011ರ 'Information Technology (Reasonable Security Practices and Sensitive Personal Data Rules)' ಪ್ರಕಾರ ನಿರ್ವಹಿಸಲಾಗುತ್ತದೆ.

L. ನಿಯಂತ್ರಣಾತೀತ ಘಟನೆಗಳು (Force Majeure)

• ಪ್ರಾಕೃತಿಕ ಆಪತ್ತು, ಮುಷ್ಕರ, ಸಾಂಕ್ರಾಮಿಕ ರೋಗ ಅಥವಾ ಸರ್ಕಾರದ ನಿರ್ಬಂಧದಂತಹ ನಿಯಂತ್ರಣಾತೀತ ಘಟನೆಗಳಿಂದ ಉಂಟಾಗುವ ವ್ಯತ್ಯಯಗಳಿಗೆ ಹೋಟೆಲ್‌ ಹೊಣೆಗಾರನಾಗುವುದಿಲ್ಲ.

M. ಹೊಣೆಗಾರಿಕೆಯ ಮಿತಿ

• ಅತಿಥಿಯ ವಾಸದ ಅವಧಿಯಲ್ಲಿ ಉಂಟಾಗುವ ಯಾವುದೇ ದಾವೆಗಳಿಗೆ ಹೋಟೆಲ್‌ನ ಒಟ್ಟು ಹೊಣೆಗಾರಿಕೆ ಅತಿಥಿಯು ಪಾವತಿಸಿದ ಮೊತ್ತವನ್ನು ಮೀರುವುದಿಲ್ಲ.

N. ಕಾನೂನು ಮತ್ತು ನ್ಯಾಯವ್ಯವಸ್ಥೆ

• ಈ ನಿಯಮಗಳು ಮತ್ತು ಷರತ್ತುಗಳು ಭಾರತದ ಕಾನೂನಿನಡಿ ನಿಭಾಯಿಸಲ್ಪಡುತ್ತವೆ ಮತ್ತು ಯಾವುದೇ ವಿವಾದ ಉಡುಪಿ ನ್ಯಾಯಾಲಯಗಳ ವ್ಯಾಪ್ತಿಗೆ ಒಳಪಟ್ಟಿರುತ್ತದೆ.

O. ತಿದ್ದುಪಡಿ (Amendments)

• ಹೋಟೆಲ್‌ ಯಾವುದೇ ಪೂರ್ವ ನೋಟಿಸ್ ಇಲ್ಲದೆ ಈ ನಿಯಮಗಳನ್ನು ತಿದ್ದುಪಡಿ ಮಾಡುವ ಹಕ್ಕು ಹೊಂದಿದೆ. ಇತ್ತೀಚಿನ ಆವೃತ್ತಿಯನ್ನು ಫ್ರಂಟ್‌ ಡೆಸ್ಕ್‌ನಲ್ಲಿ ಅಥವಾ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪಡೆಯಬಹುದು.

ಕೊಸ್ಟಲ್ ಪ್ಯಾರಡೈಸ್‌ನೊಂದಿಗೆ ಸುಖಕರ ವಾಸ ಅನುಭವಿಸಿ!